Charter Document - 02400259
| Charter Number: | 02400259 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad universorum volumus pervenire notitiam nos Dei causa et pietatis intuitu reddidisse ecclesie sancte Margarete de Len capellam sancti Nicholai de Len tamquam capellam de iure ad eandem ecclesiam pertinentem Hanc itaque capellam cum oblationibus et omnimodis obventionibus ex ea provenientibus et aliis omnibus ad eam pertinentibus predicte matrici ecclesie in perpetuum sicut capellam suam habendam et possidendam et ordinandam concessimus et confirmavimus Et ut hec nostra concessio et confirmatio perpetua et illibata in posterum perseveret eam presenti scripto et sigilli nostri patrocinio communimus Testibus Thoma Gaufrido archidiaconis Thoma Britone Eustachio Willelmo Ranulfo capellanis magistro Lamberto magistro Waltero de Calna magistro Symone de Bedeford Roberto de Chipeham