Charter Document - 02400258
| Charter Number: | 02400258 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1193 |
| Date type: | Assigned |
| Resource Link(s): |
|
Charter:
Omnibus Christi fidelibus Iohannes Dei gratia Norwicensis episcopus salutem in Domino Universis notum esse volumus nos concessisse et confirmasse viris relligiosis monachis de Longavill ecclesiam de Weston cum omnibus ad eam pertinentibus ex donatione illustris comitis Walteri Giffardi Eisdem etiam monachis pietatis intuitu et relligionis favore concessimus ut nomine pensionis annue de predicta ecclesia et de decimis de dominio eorum in predicta villa quas eidem in perpetuum assignaverunt sex marcas argenti per manum rectoris memorate ecclesie percipiant scilicet tres marcas ad synodum post sancti Michaelis et tres marcas ad synodum post Pascha Et ut hec nostra concessio et confirmatio perpetuam optineat firmitatem eam presenti scripto et sigilli nostri appositione corroboramus Testibus Gaufrido capellano magistro Roberto de Waxton magistro Lamberto Simone de Scal magistro Waltero de Calna Roberto de Chipeham clerico