Charter Document - 02400247
| Charter Number: | 02400247 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad universorum volumus pervenire notitiam nos pietatis intuitu et favore religionis ad petitionem et presentationem Ernaldi de Colevil et Agnetis uxoris sue ad quos pertinet advocatio ecclesie de Cretingham concessisse et confirmasse ecclesie apostolorum Petri et Pauli de Gipeswico et canonicis ibi Deo servientibus perpetuum beneficium sex marcarum percipiendarum in eadem ecclesia ad duos synodos Suffolch salva omnino predictis Ernaldo et Agneti uxori sue et heredibus suis in perpetuum presentatione et electione clerici qui in eadem ecclesia persona instituetur qui etiam cum per nos vel successores nostros ad ipsorum presentationem in eadem fuerit ecclesia institutus persona securitatem prestabit quod iam dictum beneficium sex marcarum predictis canonicis ad prescriptos duos terminos integre et fideliter persolvet Et ut hec confirmatio nostra stabilis et illibata perseveret eam scripto presenti et sigilli nostri appositione communimus Testibus Gaufrido archidiacono Thoma Britone Eustachio capellano magistro Lamberto magistro Waltero de Calna Vincentio clerico