Charter Document - 02400231
| Charter Number: | 02400231 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Universis notum esse volumus nos canonice concessisse et dedisse Ranulfo de Hildolvestune capellano duas garbas decimarum dominici nostri de Langham salva consueta et debita pensione monachorum nostrorum Norwicensium et hospitalis sancti Pauli de Norwico Preterea eidem Ranulfo concessimus et dedimus omnes minutas decimas curie nostre de Langham inperpetuum cum omni integritate percipiendas Et ut hec concessio et donatio nostra perpetuam optineat firmitatem eam presenti scripto et sigilli nostri appositione confirmamus Testibus Thoma Gaufrido archidiaconis Thoma Britone Eustachio Willelmo capellanis magistro Waltero de Calna Roberto de Chipeham Vincentio clerico Ricardo Colet