Charter Document - 02400222
| Charter Number: | 02400222 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1178 - 1200 |
| Date type: | Assigned |
| Resource Link(s): |
|
Charter:
Iohannes Dei gratia Norwicensis episcopus omnibus hominibus suis et fidelibus suis tam Francis quam Anglicis presentibus et futuris ad quos presens scriptum pervenerit salutem et benedictionem Notum sit omnibus nos concessisse et dedisse Willelmo la Grue servienti nostro pro humagio et servitio suo Murielam filiam Elvive de Laringesete cum tota hereditate sua in Laringesete scilicet decem et novem acris terre et dimidia eis et heredibus eorum tenendis de nobis et successoribus nostris inperpetuum iure hereditario libere et quiete et plenarie reddendo inde annuatim tres solidos et vi denarios de censu ad quatuor consuetos terminos ville nostre de Thornedis et ad consuetum auxilium eiusdem ville de termino sancti Michaelis decem novem denarios et i obolum pro omni servitio et consuetudine et exactione salvo forinseco servitio domini regis videlicet ad viginti solidos i obolum Preterea concessimus et dedimus dicto W et heredibus ipsius sex acras terre quas Iohannes filius Unspac tenuit de nobis in villa de Thorned tenendas inperpetuum libere et quiete et hereditarie et integre de nobis et successoribus nostris reddendo de illis annuatim duos solidos pro omni servitio et consuetudine et exactione ad terminos predictos Et ut hec nostra concessio et donatio plenam et perpetuam habeat firmitatem eam presenti scripto et sigilli nostri appositione confirmamus Testibus Thoma archidiacono Eustachio Ranulpho Willelmo Alano de Thorned capellanis Gilleberto de Lindeseie Willelmo Pikot Petro de London buticulario Iohanne de Abindune Waltero de Langedun Henrico Pinel Pinchewere Radulfo de Laringesete Hamone filio Alani Haie de Estker Ricardo clerico et multis aliis