Charter Document - 02400214
| Charter Number: | 02400214 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1190 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus Iohannes Dei gratia Norwycensis episcopus salutem in Domino Universis notum esse volumus nos ad voluntatem et petitionem Walkelini prioris et conventus Eyensis ecclesie concessisse Rogero archidiacono procurationem ecclesie sancti Leonardi de Donewyc solvendo inde nomine annue firme duodecim marcas argenti predictis priori et conventui dilectis filiis nostris ad quatuor terminos reddendas scilicet ad Natale Domini et ad mediam quadragesimam et ad Pascha et ad festum sancti Michaelis Preterea idem R inveniet priori de Eya quinque hospitia per annum et unum quodque hospitium duarum noctium exceptis necessariis equorum et monacho ibidem a priore constituto cotidianum victum honorifice et capellano suam pactionem Et quicquid emendationis in edificiis predictus R ibi fecerit monasterio beati Petri de Eya et predictis priori et conventui remanebit Et post eius decessum predictus prior et monachi de Eya pacifice absque alicuius vexatione predictam ecclesiam beati Leonardi possidebunt et inperpetuum in proprios usus tenebunt prout antea fecerunt Hanc itaque concessionem nostram ut perpetuam habeat firmitatem presenti scripto et sigilli nostri appositione communimus Testibus Galfrido archidiacono Suffolch Huberto de Broc magistro Lamberto Willelmo persona sancti Iohannis de Donew Nicholao clerico de Donewyc Adam clerico de Donew Henrico capellano Thoma clerico de Donew Ricardo clerico Willelmo filio Roberti Galfrido Fichet Widone presbitero