Charter Document - 02400212

Omnibus Christi fidelibus ad quos presentes littere pervenerint Iohannes Dei gratia Norwicensis episcopus salutem in Domino Universis notum esse volumus causam que vertebatur inter fratres hospitalis Ierosol et canonicos santi Petri de Dunstapl super ecclesia de Merstona auctoritate domini pape Lucii tertii nobis commissam sub hac transactionis forma quievisse videlicet Guarnerius prior et fratres hospitalis concesserunt T priori et canonicis de Dunstapl predictam ecclesiam de Merston tenendam de eis imperpetuum solvendo quatuor marcas argenti eisdem fratribus hospitalis annuatim post mortem Roberti de Bukingham eiusdem ecclesie vicarii scilicet duas marcas ad Pascha et duas marcas ad festum sancti Michaelis Interim autem ipso Roberto vivente persolvent predicti canonici singulis annis memoratis fratribus hospitalis unam marcam argenti ad predictos terminos omni conventione super predicta ecclesia prius inter eos habita cassata et in irritum revocata Huius autem pensionis solutio fieri debet ad hospitale apud London Et quia magister Aelardus sibi ius in eadem vendicabat ecclesia ut pax ex omni parte firma maneret et inconcussa in manu nostra sponte fidem corporaliter prestitit quod neque per se neque per interpositam personam super prescripta ecclesia canonicis de Dunstapl vel eorum vicario ullo unquam tempore movebit questionem Et ut hec transactio firma sit inter utramque domum imperpetuum prenominatus Guarnerius prior hospitalis in manu nostra fidem corporaliter prestitit pro se et pro toto capitulo suo assensu ipsius capituli se hanc transactionem fideliter observaturum neque curaturum ut per se vel per alium predictis canonicis ullo unquam tempore super predicta ecclesia questio moveatur Similiter prefatus T prior de Dunstapl in manu nostra fidem corporaliter prestitit pro se et pro toto conventu suo assensu ipsius conventus quod predictam pensionem singulis annis fideliter predictis fratribus hospitalis supradicto modo persolvet et quod neque per se neque per alium procurabit quod iidem fratres hospitalis hunc redditum amittant Hec autem facta sunt in capella sancte Katerine apud Westmonasterium anno ab incarnatione Domini millesimo clxxxv nono kalendas Novembris assidentibus nobis Laurentio archidiacono Bedef et magistro Rogero Arundell et magistro Petro de Tilencia quos utraque pars nobis associari voluit ut concordia inter eas reformaretur Testibus Galfrido capellano magistro Iordano de Ros magistro Roberto de Waxton magistro Lamberto magistro Waltero de Calna Roberto clerico de Chippeham magistro Helia magistro Willelmo de Aldemanebur