Charter Document - 02400208
| Charter Number: | 02400208 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1185 - 1195 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem Universis notum esse volumus nos confirmasse dilectis nostris in Domino venerabili viro Osberto abbati et conventui sancti Iohannis Baptiste Colecestrie ecclesiam de Aldeburg habendam et tenendam cum omnibus ad eam pertinentibus in usus proprios salva honesta sustentatione vicarii ex donatione Willelmi Martel sicut carta ipsius testatur salva etiam reverentia et obedientia et iure sancte Norwicensis ecclesie Preterea confirmamus eis duas partes decimarum de toto dominio Radulfi Roffensis in Ereswell et in Cukeleswrth cum tota decima molendini de Erewell sicut in carta eiusdem Radulfi continetur Similiter confirmavimus eis redditum xx solidorum per annum in eodem molendino cum duabus acris ex donatione Baldewini de Roff patris predicti Radulfi sicut carta ipsius testatur Et ut hec nostra concessio et confirmatio perpetuam optineat firmitatem eam presenti scripto et sigilli nostri appositione corroboravimus Testibus Bartholomeo decano de Walsingham Eustachio capellano magistro Rogero de Leicestr magistro Lamberto magistro Gervasio Roberto de Chipeham magistro Waltero de Calna