Charter Document - 02400199
| Charter Number: | 02400199 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1182 - 1198 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit I Dei gratia Norwicensis episcopus salutem in Domino Ad omnium volumus pervenire notitiam nos pietatis intuitu et favore religionis concessisse dilectis in Domino filiis monachis de Acra ecclesiam de Melewude cum omnibus ad eam pertinentibus et ecclesiam sancte Marie Magdalene de Wigehale cum omnibus ad eam pertinentibus et ecclesiam de Kemestun cum omnibus ad eam pertinentibus in usus proprios inperpetuum possidendas post decessum magistri Thome Britthonis persone ecclesie de Melewde et Willelmi de Constanc persone ecclesie sancte Marie Magdalene de Wigehale et Iohannis persone ecclesie de Kemestun salva honesta et sufficienti sustentatione vicariorum qui in eisdem ministrabunt ecclesiis et salva in omnibus reverentia obedientia et debitis consuetudinibus sancte Norwicensis ecclesie Et ut hec nostra concessio perpetuam habeant innitatem eam presenti scripto et sigilli nostri appositione communimus Testibus Thoma archidiacono Iohanne archidiacono magistro Thoma Britt magistro Lamberto Eustachio capellano magistro Gervasio Ricardo et Guidone clericis magistro Waltero de Caln et multis aliis