Charter Document - 02400198
| Charter Number: | 02400198 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1182 - 1198 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad omnium volumus pervenire notitiam nos pietatis intuitu et favore religionis concessisse dilectis in Domino filiis monachis de Acra ecclesiam de Haverhill cum capella et aliis omnibus ad eam pertinentibus et ecclesiam de Estbarsham cum omnibus ad eam pertinentibus in usus proprios in perpetuum possidendas post decessum magistri Rannulfi persone ecclesie de Haverhill et Stephani persone ecclesie de Barsham salva honesta et sufficienti sustentatione vicariorum qui in eisdem ministrabunt ecclesiis et salva in omnibus reverentia obedientia et debitis consuetudinibus sancte Norwicensis ecclesie Et ut hec nostra concessio perpetuam habeat firmitatem eam presenti scripto et sigilli nostri appositione communimus Testibus Thoma Britt magistro Lamberto Eustachio capellano magistro Gervasio Ricardo et Guidone clericis magistro Waltero de Calna