Charter Document - 02400197
| Charter Number: | 02400197 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1182 - 1198 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit I Dei gratia Norwicensis episcopus salutem in Domino Ad universorum volumus notitiam devenire nos concessisse et dedisse magistro Rannulfo de Harpele ecclesiam sancte Marie de Haverhill cum capella sancte Marie ad forum pertinente ad illam ecclesiam et eum in eadem ecclesia canonice personam instituisse ad presentationem Hugonis prioris et conventus monachorum de Acra ad quos dicta spectat ecclesia solvendo inde annuatim eisdem monachis quinque marcas nomine pensionis inperpetuum scilicet ad festum sancti Michaelis duas marcas et ad festum sancti Pancratii duas marcas et ad festum sancte Margarete i marcam Hanc itaque ecclesiam cum omnibus ad ipsam pertinentibus prenominato R confirmamus Et ut hec nostra concessio et institutio perpetua maneat firmitate subnixa eam presenti scripto et sigilli nostri patrocinio communimus Testibus Thoma archidiacono Eustachio W capellanis magistris W de Len Lamberto Ricardo de Sothesham Gervasio Roberto de Chipeham Ricardo Basset