Charter Document - 02400186
| Charter Number: | 02400186 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1189 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit I Dei gratia Norwicensis episcopus salutem in Domino Ad episcopalis officii sollicitudinem spectare dinoscitur virorum religiosorum providere quieti et possessiones pietatis intuitu ad eorum sustentationem collatas pontificali confirmatione munire Eapropter omnibus notum esse volumus nos confirmasse dilectis filiis viris religiosis et honestis monachis de Acra ex donatione Godefridi de Lisewis cellam quam Willelmus de Lisewis pater suus fundavit in loco qui dicitur Normannesberg in honore sancte Dei genetricis Marie et sancti Iohannis Evangeliste in liberam et puram et perpetuam elemosinam cum omnibus ad eundem locum pertinentibus scilicet lxvi acris terre et x acris quas predictus W postea memorato loco contulit et tota terra Middel et tota terra sua de Francheshou et tota terra que iacet inter croftam Seluve et terram Ricardi Diereboct in Sudreinham et dimidia acra turbarie que iacet contra Medeles et heremitorio de Wigehale cum omnibus pertinentiis et tertia parte turbarie quam Aluricus filius Kidemer tenuit iuxta predictum heremitorium In prescripta autem cella de Normannesberg memorati monachi de Acra divina officia perpetuo celebrari facient sive per monachum sive per clericum sicut opportunius cum consilio et auctoritate nostra et successorum nostrorum expedire viderint Prescriptas autem possessiones ab omni seculari exactione liberas et quietas sicut carta predicti Godefridi testatur episcopali auctoritate confirmamus predictis monachis prohibentes ne quis vel temeritate vel malitia ductus super hiis eis aliquam molestiam inferre presumat aut iniuriam Predictas vero possessiones et alia iura sua eis conservantibus pax sit et salus eterna Testibus Thoma archidiacono Gaufrido capellano magistro Reinero Thoma Britt magistro Lamberto magistro Rogero medico Roberto de Chipeham Simone clerico de Letton magistro W de Calna