Charter Document - 02400181
| Charter Number: | 02400181 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwycensis episcopus salutem in Domino Ad universorum volumus pervenire notitiam nos ad resignationem magistri Ranulphi de Bissacia qui tunc temporis personatum gessit ecclesie sancti Nicholai de Gaitone concessisse et confirmasse monachis cenobii sancti Stephani de Cadomo pietatis causa et religionis favore eandem ecclesiam in proprios usus suos cum omnibus ad ipsam pertinentibus scilicet ad opus infirmorum fratrum suorum et pauperum et peregrinorum quos in caritate hospitalitatis susceperint convertendam et integre ac pacifice inperpetuum habendam et possidendam salva reverentia obedientia honore et debitis consuetudinibus sancte Norwycensis ecclesie et honesta et sufficienti vicarii sustentatione qui in prefata ecclesia ministrabit Et ut hec nostra concessio ac confirmatio perpetua et illibata inposterum perseveret eam presenti scripto et sigilli nostri appositione communimus Testibus Thoma archidiacono Thoma Britone Eustachio capellano Ranulfo capellano Roberto de Chipeham