Charter Document - 02400179
| Charter Number: | 02400179 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1194 - 1196 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit I Dei gratia Norwicensis episcopus salutem in Domino Universis notum esse volumus quod cum Willelmus prior et canonici de Buttele peterent adversus monachos de Acra ecclesiam de Aspehall tamquam capellam pertinentem ad ecclesiam suam de Debeham tandem inter eos hoc modo coram nobis convenit videlicet Hugo prior et conventus monachorum de Acra concesserunt memorato priori et canonicis de Buttele predictam ecclesiam de Aspehall cum omnibus ad eam pertinentibus et cum tota terra sua in Aspehall que dicitur terra Raulini et cum omnibus terris que tempore Gaufridi archidiaconi ad prefatos spectabant monachos in eadem villa tenendas inperpetuum de conventu predictorum monachorum de Acra reddendo inde annuatim eisdem monachis duas marcas argenti nomine pensionis scilicet i marcam ad festum sancti Andree et unam marcam ad festum sancti Iohannis Baptiste Idem autem canonici predictam ecclesiam et terras prefatas in omnibus que ad ipsas spectant adquietabunt et supradicti monachi warantizabunt illam ecclesiam et terras prenominatas Facta est autem hec compositio inter supradictos monachos et canonicos anno ab incarnatione Domini mcxcv et ab utraque parte scriptis et sigillis autenticis roborata Testibus Thoma Gaufrido Iohanne archidiaconis Thoma Britt magistro Roberto de Waxtonesh Eustachio Willelmo capellanis magistris Willelmo de Len Lamberto Waltero de Calna