Charter Document - 02400178
| Charter Number: | 02400178 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 |
| Date type: | Internal, A.D., Calendar |
| Resource Link(s): |
|
Charter:
Omnibus Christi fidelibus ad quos presens scriptum pervenerit I Dei gratia Norwicensis episcopus salutem in Domino Ad omnium volumus pervenire notitiam nos Dei causa et pietatis intuitu ad petitionem et presentationem venerabilis viri et fratris in Christo karissimi S abbatis Dei gratia sancti Edmundi concessisse ut pauperes et infirmi hospitalis extra burgum sancti Edmundi quod idem S ibidem de novo plantavit post decessum Hugonis qui nunc in ecclesia de Melforth gerit personatum duas portiones eiusdem ecclesie in perpetuum in usus suos percipiant salvis in omnibus honore reverentia et dignitate et debitis consuetudinibus sancte Norwicensis ecclesie reservata etiam tertia portione eiusdem ecclesie ad sustentationem vicarii qui in eadem ministrabit Et ut hec nostra concessio perpetue firmitatis robur optineat eam presenti scripto et sigilli nostri appositione communimus Testibus magistro Willelmo de Len Eustachio et Willelmo capellanis magistro Waltero de Calna Roberto de Chipeham Vincentio clerico Dat anno ab incarnatione Domini millesimo cxcviii v kalendas Maii