Charter Document - 02400170
| Charter Number: | 02400170 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad omnium volumus pervenire notitiam nos concessisse et dedisse Willelmo de Bech clerico medietatem illam ecclesie de Wodedalling quam Rogerus clericus tenuit ipsumque in eadem medietate personam canonice instituisse ad presentationem prioris et monachorum de Binham ad quos eadem spectat medietas Hanc itaque medietatem cum omnibus ad eam pertinentibus memorato W clerico confirmamus Dei amore et religionis causa Concessimus predictis monachis annuum duorum solidorum beneficium de eadem medietate per manum persone percipiendum Et ut hec nostra concessio et institutio perpetue firmitatis robur optineat eandem presenti scripto et sigilli nostri appositione communimus Testibus Thoma Gaufrido archidiaconis Thoma Britone Eustacio capellanis magistro Lamberto magistro Waltero de Cain magistro Gervasio Vincentio clerico