Charter Document - 02400165
| Charter Number: | 02400165 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad universorum volumus pervenire notitiam nos concessisse et dedisse Willelmo de Hastinge clerico ecclesiam de Helisham et ipsum in eadem ecclesia personam canonice instituisse ad presentationem venerabilis viri domini Odonis abbatis et conventus monasterii sancti Martini de Bello Hanc itaque ecclesiam cum omnium ad ipsam pertinentium integritate prenominato W clerico confirmamus reddendo inde annuatim predicto conventui decem libras argenti nomine pensionis videlicet centum solidos ad festum sancti Martini in estate et alios centum solidos ad festum sancti Martini in hyeme Et ut hec nostra concessio et institutio perpetuam optineat firmitatem eam presenti scripto et sigilli nostri appositione corroboramus Testibus Thoma archidiacono Thoma Britone Eustachio capellano magistro Willelmo de Len Willelmo capellano Roberto de Chipeham magistro Symone de Bedeford