Charter Document - 02400160
| Charter Number: | 02400160 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1161 - 1173 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus Dei gratia Norwicensis episcopus salutem in Domino Ad officium nostrum spectat religiosorum virorum utilitati providere et eorum bona augere et fovere Eapropter notum vobis facimus nos divini amoris intuitu abbati et monachis sancte Marie Ebor concessisse dedisse et confirmasse ecclesiam de Banham cum universis ad eam pertinentibus in usus ipsorum proprios habendam inperpetuum et possidendam salva competenti vicaria ab eisdem in eadem ecclesia idoneis vicariis inposterum semper assignanda Et ut hec a nobis pie gesta perpetuum robur in evum optineant ea sigillo nostro signavimus Testibus Willelmo et Rogero archidiaconis Norwicensibus magistro Stangrino magistro Nicholao Ernaldo Lupello magistro Ricardo magistro Waltero magistro Reinero Rogero clerico Amicio clerico et aliis multis