Charter Document - 02400158
| Charter Number: | 02400158 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1161 - 1173 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis dilectis in Domino fratribus Willelmus Dei gratia Norwicensis episcopus salutem Ad universorum notitiam volumus pervenire quod nobilis domina bone memorie Cristina de Withermundeford ad nos veniens dedit et concessit et carta sua confirmavit Deo et ecclesie sancte Marie de Wikes et monialibus ibidem Deo famulantibus ecclesiam de Suinelande cum omnibus pertinentiis suis et decem acras terre de dominio suo in eadem villa in liberam et perpetuam elemosinam ad vestialia earundem monialium Preterea dilectus filius noster Radulfus de Lodnes coram nobis veniens similiter dedit eisdem monialibus cum Beatrice filia sua totam decimam de domo sua et de dominio suo de Laveham scilicet in omnibus que renovantur per annum et preterea quinque acras terre de dominio suo in eadem villa nostraque autoritate eis petierunt confirmari Nos igitur eorum petitioni gratum prebentes assensum ecclesiam prescriptam cum omnibus pertinentiis suis et decem acras et decimas supradictas et quinque acras salvo iure Norwicensis ecclesie sanctimonialibus predictis de Wikes atestatione presentis scripti confirmamus et sigilli nostri appositione corroboramus Testibus Willelmo et Rogero archidiaconis magistris Stangrim Nicolao Waltero Willelmo de sancto Edmundo Ricardo de Draitune Moyse de Huntedune Roberto de Waxtonesham Rogero et Lamberto clericis