Charter Document - 02400157
| Charter Number: | 02400157 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 - 1165 |
| Date type: | Assigned |
| Resource Link(s): |
|
Charter:
W Dei gratia Norwicensis episcopus universis sancte matris ecclesie filiis in Christo salutem Optimas nostri officii partes exerceri speramus dum honestarum personarum promotioni et defensioni diligentiam adhibemus inde est quod Roberto clerico filio Walteri de Waxtunesham quem tam morum honestas quam literalis commendat disciplina ecclesiam de Waxtun cum universis pertinentiis prece et obnixa petitione eiusdem ecclesie advocatorum vacantem et ab omni reclamatione liberam in perpetuam canonice donavimus elemosinam Ne ergo hanc nostram donationem vexire vel in irritum ducere aliquis presumat eam nostri auctoritate scripti confirmavimus et sigilli nostri appositione corroboravimus Hiis testibus R archidiacono Thoroldo capellano Adam de Caln Waltero de Caln Ricardo de Dreyton Ahbram clerico Wichmer decano Adam de Punhig Simone de Gacelay Stephano de Snaring