Charter Document - 02400156
| Charter Number: | 02400156 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1153 - 1174 |
| Date type: | Assigned |
| Resource Link(s): |
|
Charter:
Omnibus sancte matris ecclesie fidelibus Willelmus Dei gratia Norwicensis ecclesie episcopus in Domino salutem Quoniam ad nostri curam officii pertinere dinoscitur omnium et maxime religiosorum utilitatibus pro facultate nostra providere eorum necessitatibus nullo modo deesse possumus nec debemus Eapropter universitati vestre notum facimus nos dilectis filiis nostris canonicis de Walsingham Deo et sancte Marie famulantibus in liberam et puram elemosinam concessisse ecclesiam omnium sanctorum de Magna Wals cum omnibus libertatibus et pertinentiis suis sicut Roeleinius de Terra Vasta et Philippus filius eius eis dederunt et carta sua confirmaverunt Et ut huic donationi maior sequatur auctoritas presenti scripti huius attestatione confirmamus et sigilli nostri impositione corroboramus Test[ibus] []