Charter Document - 02400145
| Charter Number: | 02400145 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 - 1173 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus Dei gratia Norwicensis episcopus salutem in Domino Universitati vestre notum facimus nos concessisse et confirmasse ecclesiam de Briseta cum decimis reditibus terris et cum omnibus ad eam pertinentibus ecclesie et conventui canonicorum regularium sancti Leonardi de Nobliaco salva reverentia et canonica obedientia Norwicensis episcopi et salvo iure et dignitate Norwicensis ecclesie Preterea concessimus et confirmavimus prenominatis ecclesie et conventui duas garbas decimarum de una carucata terre de dominico de Stansfeldhalle in villa de Wenham Combusta et decimas de Lose et decimam septem acrarum terre in Hecham et alia omnia quecunque prefati canonici adquisituri sunt in episcopatu Norwicensi Et ut hec nostra concessio et confirmatio perpetuam optineat firmitatem presens scriptum sigilli nostri appositione corroboravimus Hiis testibus Walkelino et Rogero archidiaconis Iohanne et Gileberto monachis Toroldo et Radulfo capellanis