Charter Document - 02400106
| Charter Number: | 02400106 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1164 - 1168 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus Dei gratia Norwicensis episcopus salutem Ad pastoralem spectat sollicitudinem ea que in ecclesiis Dei disponuntur tanta auctoritate et iuris solempnitate munire ut perpetuam optineant singula stabilitatem Hinc est quod ad omnium fidelium Dei volumus pervenire notitiam nos concessisse et dedisse canonice magistro Rogero le Simple clerico ecclesiam de Felmingham cum omnibus ad eam pertinentibus in terris liberis decimationibus et omnimodis obventionibus petitione et presentatione dilecti filii nostri Willelmi abbatis de Holmo domini fundi et illius ecclesie advocati Ut igitur hec donatio nostra rata et inconcussa in posterum permaneat presenti scripto eam firmamus et sigillo nostro corroboramus Testibus Iohanne priore Norwicensi Rogero et Willelmo archidiaconis Thoraldo capellano Ernaldo Lupello magistro Nicholao magistro Stangrino magistro Waltero Ricardo de Rising magistro Alano capellano Radulfo capellano Rogero clerico