Charter Document - 02400096
| Charter Number: | 02400096 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 - 1150 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris sancte matris ecclesie prelatis et subditis quod ego Willelmus Dei gratia Norwicensis episcopus concessi et presentis scripti pagina confirmavi ecclesie sancti Benedicti de Holm et fratribus ibidem Dei servitio mancipatis in perpetuum donationem illam quam Ernaldus et Rogerius filius concesserunt et dederunt eidem ecclesie scilicet tertiam partem decimarum suarum de Ingham et tertiam partem de Waxtonesham et duas partes de Wrthestede et duas partes de Brunstede et dimidiam partem de Horseya Et ut hec concessio rata et inconcussa perseveret sigilli mei appositione illam corroboravi salva Norwicensis ecclesie debita iustitia et reverentia Testimonio Willelmi archidiaconi et Walchelini archidiaconi et Ernaldi capellani episcopi et Turberti decani et Winemeri monachi et Ricardi monachi de Ferreres