Charter Document - 02400092
| Charter Number: | 02400092 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1168 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Willelmus Dei gratia Norwicensis episcopus salutem in Domino Ad universitatis vestre volumus devenire notitiam nos concessisse et episcopali auctoritate confirmasse Deo et ecclesie beati Petri de Eya et monachis ibidem Deo servientibus ecclesiam sancti Petri de Eya infra villam et ecclesiam sancti Leonardi de Donewic ex donatione Roberti Maleth eorum fundatoris in proprios usus inperpetuum absque contradictione et calumpnia possidendas et etiam pensiones annuas debitas et antiquas omnium ecclesiarum quas idem Robertus Malet eorum fundator eis dedit vel adquisivit in quibus has propriis volumus annotare vocabulis scilicet de ecclesia de Beuseya duas marcas argenti et medietatem candele eiusdem ecclesie in Assumptione beate Marie et duas partes candele in Nativitate sancte Marie de ecclesia de Laxfeud unam marcam de ecclesia de Badingeham unam marcam de ecclesia de Bedefeud viginti solidos de ecclesia de Iakel unam marcam de ecclesia de Thorendon unam marcam de ecclesia de Stokes iiii solidos de ecclesia de Plaiford quinque solidos de ecclesia de Thornham v solidos de ecclesia de Pelecohc iiii solidos de ecclesia sancte Margarete de Halegestowe totam candelam ad festum sancte Margarete et de ecclesiis de Donewic de ecclesia sancti Petri duas marcas de ecclesia sancti Iohannis Baptiste decem marcas et medietatem candele ad festum sancti Iohannis Baptiste in estate de ecclesia sancti Nicholai unam marcam de ecclesia omnium sanctorum quinque solidos de ecclesia sancti Bartholomei quinque solidos de ecclesia sancti Martini triginta solidos Et ut ista concessio et confirmatio nostra firmam et inconcussam optineat stabilitatem presentem cartam sigillo nostro munivimus firmiter precipientes et prohibentes sub anathemate ne quis eis molestiam vel iniuriam super predictis ecclesiis et pensionibus facere presumat Hiis testibus Willelmo abbate de Ulmo Walkelino archidiacono Nicholao Waltero de Calna Toroldo Roberto capellanis nostris magistro Stangrino Osberto nepote archidiaconi et multis aliis