Charter Document - 02400085
| Charter Number: | 02400085 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1163 - 1169 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus dei gratia Norwicensis episcopus salutem Ad universitatis vestre notitiam perveniat nos concessisse et presentis scripti testimonio con firmasse dilectis fratribus nostris monachis de Colum ecclesiam de Walngafelde cum omnibus pertinentiis sicut carte Rogeri de Ver et Radulfi filii Ade quas nos ipsi vidimus plenius et firmius testantur Suscepimus etiam presentatione persone scilicet prioris de Colum Magistrum Eadwardum inperpetuum vicarium qui loco prioris ecclesiam gaudeat et episcopalibus respondeat Volumus itaque et episcopali auctoritate precipimus ut predicti fratres de Colum ecclesiam de Walingafeld et quicquid a prenominatis viris Rogero et Radulfo eis collatum est et ipsis cartis con firmatum libere et pacifice teneant et in perpetuum possideant salva in omnibus ecclesie Norwici obedientia et debita reverentia Testibus Willelmo et Rogero archidiaconis Norwicensibus Ogero vicecomite Huberto presbitero magistro Stangrino magistro Nicholao magistro Osberto magistro Eadwardo Waltero de Mideltona Bernardo capellano Hugone filio Pagani Willelmo clerico de Colum