Charter Document - 02400084
| Charter Number: | 02400084 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1163 - 1169 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus dei gratia Norwicensis episcopus salutem Ad universitatis vestre notitiam perveniat nos concessisse et presentis scripti testimonio confirmasse dilectis fratribus nostris monachis de Colum eam donationem quam Rogerus de Ver et Radulfus filius A de eisdem monachis in liberam et perpetuam elemosinam fecerunt de ecclesia de Waldingefeld et eius pertinentiis sicut carte corum quas nos ipsi vidimus plenius et firmius testantur Volumus itaque et episcopali auctoritate precipimus ut predicti fratres quicquid a prenominatis R[ogero] et R[adulfo] in prescripta ecclesia vel eius pertinentiis eis collatum est et ipsorum cartis confirmatum libere et pacifice et iuste teneant salva in omnibus ecclesie Norwicensis obedientia et debita reverentia Testibus Willelmo et Rogero archidiaconis Norwicensibus Ogero vicecomite Huberto presbitero Magistro Stangrino Magistro Nicholao Magistro Ricardo de Draitone Magistro Waltero Magistro Osberto Ricardo de Risinges Rogero clerico Magistro Eadwardo Waltero de Mideltona Hugone filio Pagani Bernardo capellano Willelmo clerico de Colum et aliis