Charter Document - 02400081
| Charter Number: | 02400081 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 - 1153 |
| Date type: | Assigned |
| Resource Link(s): |
|
Charter:
Universis sancte Dei ecclesie fidelibus Willelmus Dei gratia Norwicensis episcopus salutem Quoniam religionis propositum intenta debemus sollicitudine promovere et rebus divinis usibus collatis pacem perpetuam providere manerium de Wicham cum eiusdem manerii ecclesia et omnibus pertinentiis venerabili monasterio de Colecestria et sancto collegio monachorum in eodem monasterio Deo servienti in perpetuam elemosinam ad sustentationem pauperum et susceptionem hospitum concedimus et episcopali auctoritate confirmamus et ad presentationem et donationem nobilis viri Roberti de Saukevill qui Deo et sancto Iohanni predictum manerium cum ecclesia et aliis pertinentiis pro salute anime sue et antecessorum et successorum suorum pie contulit et sua carta confirmavit Predictos monachos de iam dicta ecclesia de Wicham canonice instituimus et ad opus pium ad quod deputata est episcopali auctoritate roboramus inhibentes ne aliquis omnino hominum presumat aliquo tempore ipsam ecclesiam ab usibus ad quos deputata est sine voluntate ipsorum monachorum alienare Ut autem hec nostra confirmatio futuris temporibus firma et illibata permaneat eam episcopali auctoritate et sigilli nostri munimine communimus Hiis testibus Walkelino archidiacono Iohanne et Gileberto monachis Ernaldo Luvello Turaldo clericis