Charter Document - 02400077
| Charter Number: | 02400077 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1166 - 1170 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis W Dei gratia Norwicensis episcopus salutem Ad universitatis vestre notitiam pervenire volumus controversiam que vertebatur inter Henricum priorem et conventum de Acra et Radulfum de Plaiz super advocatione ecclesie de Otringehede sub hac transactionis forma terminatam esse et sopitam Henricus siquidem prior et totus conventus remiserunt Radulfo de Plaiz omnem querelam quam habuerunt in advocatione prescripte ecclesie et omni iuri quod asserebant se in ea habere renuntiaverunt ita ut de cetero remaneat Radulfo de Plaiz et heredibus suis inperpetuum advocatio libera et quieta et facultas presentandi clericum ad eandem ecclesiam unum post alium prout decesserint Quicumque vero eiusdem ecclesie fuerit persona singulis annis nominatim de sepedicta ecclesia reddet ecclesie sancte Marie de Acra xii denarios ad sinodum post Pascha ita scilicet ut preter hos xii denarios conventus de Acra nichil amplius ab ea possit exigere Hiis t[estibus] Willelmo archidiacono Norwicensi Osb[erto] decano Lewen magistro Staingrino Ricardo de Draiton Stephano Reinero Roberto de Wastunesham Roberto de Gimmingham Ricardo de Risingh Willelmo de Geitun Iohanne Gaufrido capellano Lamberto Rogero Amicio clericis Willelmo de Novill et Burnell et Radulfo de Sancto Germano et Radulfo de Claia militibus et aliis Huberto de Ria Simone de Caili Willelmo Malet