Charter Document - 02400073
| Charter Number: | 02400073 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1154 - 1158 |
| Date type: | Assigned |
| Resource Link(s): |
|
Charter:
Universis sancte Dei ecclesie fidelibus W Dei gratia Norwicensis episcopus salutem Ad honestatis decorem et sacre religionis cultum religiosorum utilitatibus dignum est intendere et vota iuste postulantium caritatis intuitu propensius confovere Hinc est quod venerabilium fratrum monachorum de Acra commoditatibus inservire cupientes ecclesiam de Acra ecclesiam de Neuton ecclesiam de Sudcrec ecclesiam de Estbarsham ecclesiam de Medewde ecclesiam de Westbridge ecclesiam de Havereil cum omnibus pertinentiis earundem ecclesiarum ad sustentationem pauperum in suos usus proprios in liberam et perpetuam elemosinam Deo auctore concedimus et episcopali qua fungimur auctoritate confirmamus et sigillo nostro corroboramus salva in omnibus episcopali dignitate Hoc autem firmiter inhibemus ne quis aliquo modo contra hanc cartam nostram venire presumat vel monachos inde vex are aliquatenus attemptet Hiis testibus Ricardo priore W et Rogero archidiaconis W abbate de Hulm Iohanne et Gilleberto monachis Alano Ricardo Waltero magistris Nicholao clerico et multis aliis