Charter Document - 02400066
| Charter Number: | 02400066 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1146 - 1168 |
| Date type: | Assigned |
| Resource Link(s): |
|
Charter:
Willelmus Dei gratia Norwicencis episcopus omnibus sancte matris ecclesie fidelibus salutem et benedictionem Quoniam caritatis refert et ex officio tenemur pauperes fovere et debiles et eorum inoportunitatibus compati pietati commoti preces dilecti filii nostri Willelmi prioris de Acra et conventus diligentius admisimus qui intuita paupertate confratrum suorum de Bromhol interna dulcedine volentes eorum usibus aliquid conferre propensius nobis supplicare non destiterunt ut nos obtentu divine pietatis et gratia suscipemus confratres suos prefatos de Bromhol imperpetuam vicariam ecclesie de Wittun annua inter illos duarum marc arum et dimidie pensione statuta Nos vero eorum cognoscentes inopiam devotius petitionis efficacitati condescendimus mandantes universitati tam presentium quam futurorum quod auctoritate qua fungimur predictis fratribus de Bromhol vicariam predicte ecclesie de Wit tun presignata pensione imperpetuum confirmavimus et sigilli nostri appositione corroboravimus Concessimus etiam illis ecclesiam de Casewic et ecclesiam de Paston et ecclesiam de Dillam cum omnibus ad eas pertinentibus in terris liberis et decimis [] omnimodis obventionibus et ut fructus earum in proprios eorum usus convertantur Coram hiis testibus Rogero archidiacono Harnaldo Luvel Iohanne monacho magistro Roberto Turverdo decano Rogero clerico de Acra Willelmo de Paggrave et multis aliis