Charter Document - 02400062
| Charter Number: | 02400062 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1171 - 1174 |
| Date type: | Assigned |
| Resource Link(s): |
|
Charter:
Universis tam presentibus quam futuris sancte matris ecclesie filiis Willelmus Dei gratia Norwycensis episcopus salutem in Domino Quoniam ea que locis religioni deputatis ad ipsius religionis sustentationem et incrementum a Christi fidelibus collata sunt ut sub perpetua firmitate viris religiosis consistant profutura privilegiis et scriptis autenticis prout expedit decet communire pie postulationis desiderium effectu prosequente omnimodis complere volentes universitati vestre notum facimus nos episcopali auctoritate concessisse et presentis scripti munimine confirmasse Deo et ecclesie sancte Marie de Binham et monachis ibidem Deo et sancte Marie servientibus et servituris ecclesias terras redditus possessiones quecumque eis rationabiliter in liberam et perpetuam elemosinam concessa sunt aut quascumque iuste et canonice adepti sunt prout ex testimonio cartarum donatorum suorum accepimus in quibus hiis propriis vocabulis duximus exprimenda ex dono Petri de Valon et Rogeri filii eius ac Petri filii Rogeri totum manerium de Binham in terris pratis silvis marisco et hominio ex dono Rogeri de Valon totam terram suam de Gunthorp et dea Walsingham et terram de Welles que fuit Roberti Godchil ecclesiam de Berneya cum medietate ipsius ville ex dono Agnetis matris Petri de Valon sexaginta acras terre in Westeleya ex dono Radulfi Facati et heredum suorum duas annuas marcas argenti de Riberg preterea duas partes decime de Dersingham et de Ingulnesthorp de dominio Petri de Valon et duas partes decimarum eorum militum qui terras tenent de feodo predicti Petri in Northfolch videlicet de Riburg et de Parva Riburg Snaringe Toftes Testretuna Woddalling Saxlingham Walsingham Berneya Balbingle Scherneburna Rudham Apeltun et Patesleya ex dono Radulfi filii Thoroldi ecclesiam de Parva Riburg cum omnibus pertinentiis suis et annuos decem solidos et tres acras terre in Brictrichescroft ad construendam ibi domum repositioni decimarum ex dono Bartholomei de Crek et heredum suorum totam terram suam de Berneya que erat de feodo suo ex dono Ade filii Alveredi v acras et turbariam et pasturam in commune in villa de Ingulnesthorp salva in omnibus et per omnia debita Norwicensis ecclesie canonica obedientia et reverentia Hiis testibus Willelmo Stangrimo archidiaconis Nicholao et Gervasio monachis magistro Nicholao Gaufrido capellano Radulfo presbitero Rogero Lamberto Roberto de Holcham Amicio clericis