Charter Document - 02400045
| Charter Number: | 02400045 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1121 - 1122 |
| Date type: | Assigned |
| Resource Link(s): |
|
Charter:
Ebrardus Dei gratia episcopus Norwicensis omnibus sancte matris ecclesie filiis salutem Que a predecessoribus nostris iuste et rationabiliter facta fuisse constat ut in perpetuum illibata perseverent nostra debent auctoritate roborari inde est quod dilectis fratribus nostris canonicis regularibus sancti Leonardi de Nobiliaco ecclesiam sancti Leonardi de Briseta cum terris et decimis et omnibus pertinentiis suis confirmamus et concedimus et presenti carta roboramus et cum omni integritate quam eis Radulfus filius Brienni concessit et Willelmus Peverel et dominus rex Henricus et archiepiscopus Radulfus et pie recordationis predecessor noster Herebertus Norwicensis episcopus dederunt et concesserunt et suis cartis quas nos ipsi inspeximus et legimus confirmaverunt et roboraverunt institutionem etiam canonicorum in ecclesia de Briseta secundum ordinem beati Augustini factam approbamus et inperpetuum confirmamus Nos etiam omnes qui contra hoc temere venire presumpserunt anathematis sententia innodamus et a corpore et sanguine Ihesu Christi in districto eius examine separamus Testibus Ricardo de Bellofago Sudfolc archidiacono Willelmo archidiacono Norwicensi Willelmo et Winemero monacis Turoldo et Turkillo capellanis Willelmo filio Hunfridi Iohanne dapifero Arcturo Petro de Meldingis