Charter Document - 02400044
| Charter Number: | 02400044 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Ratification |
| Date: | 1140 - 1145 |
| Date type: | Assigned |
| Resource Link(s): |
|
Charter:
Ebrardus Dei gratia Norwicensis episcopus omnibus clericis et laicis per universum Norwicensis ecclesie episcopatum constitutis salutem et benedictionem Officii episcopalis auctoritate constringimur quatinus et ecclesiarum nostre custodie commissarum statui providere et perpetuo religionis incremento et stabilitati inservire studeamus Proinde fratris nostri Mathei clerici et amici nostri Willelmi de Caxineto piam et Deo placitam petitionem esse considerans concedo ut in ecclesia sancte Marie de Rudham que de feodo supradicti Willelmi esse dinoscitur a modo inperpetuum congregatio canonicorum regulariter viventium conversetur nec liceat cuiquam eosdem canonicos aliquo tempore inde amovere vel eorum pacem temerariis vexationibus perturbare Eorum autem potestati et dispositioni inperpetuum mancipetur eadem ecclesia cum omnibus pertinentiis suis et ecclesia sancti Petri in eadem villa cum suis pertinentiis in terris decimis oblationibus et omnibus aliis rebus ad easdem iure pertinentibus Totam preterea terram laicam quam Brune et Willelmus presbiteri tenuerunt inperpetuum in ecclesiasticam possessionem confirmamus ab omni censu et scutagio et omnibus aliis consuetudinibus et exactionibus liberam sicut idem Willelmus eis me presente donavit et concessit et totum pomerium in orientali parte domus ipsius Willelmi Concedo igitur et episcopali auctoritate precipio quatinus omnia supradicta inconcusse teneant et honorifice et quiete Ut autem hec nostra constitutio stabilis et inconcussa semper perseveret eam et presentis scripti attestatione et sigilli episcopalis appositione corroboro et confirmo Valete