Charter Document - 02400030
| Charter Number: | 02400030 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1121 - 1135 |
| Date type: | Assigned |
| Resource Link(s): |
|
Charter:
Ebrardus Dei gratia Norwicensis episcopus dilecto in Christo fratri Bonifatio venerabili Conchensi abbati salutem et benedictionem Manifestum nobis satis est quod bone memorie Herbertus Norwicensis episcopus antecessor noster ecclesiam de Horsam cum suis pertinentiis [] que Rotbertus filius Walteri cum astipulatione domini Henrici regis Anglorum et Stephani comitis eiusdem regis nepotis pro redemptione anime sue Deo et sancte Fidi Conchensi concessit ipse auctoritate sua confirmavit et pro mercede sua cunctis fidelibus illuc ad festum martyrii beate Fidis concurrentibus et oblationem suam ibi facientibus de penitentiis sibi iniunctis xl dies condonavit et auctoritate sua corroboravit Nos igitur pro amore eiusdem sancte virginis et propria vestri instanti petitione omnem supradictam donationem ad honorem Dei et profectum vestri monasterii concedimus et perpetuo confirmamus adicientes ut quicunque Dei fideles ad festum illationis beate Fidis quod celebratur feria v infra octabas Pasche usque ad aliam feriam v id est usque ad octabas eiusdem festi illuc concurrerint et de bonis suis illic elhemosignas fecerint remedium et indulgentiam de acceptis penitentiis xxiiii dies habeant Hoc vero consilio fratrum nostrorum et archidiaconorum fecimus ut Deus per meritum eiusdem gloriose martyris dignetur nobis semper esse propitius Huius concessionis testes sunt Ingulfus prior Rogerus et Willelmus archidiaconi Willelmus Turbo [] fratres