Charter Document - 02400013
| Charter Number: | 02400013 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1101 - 1119 |
| Date type: | Assigned |
| Resource Link(s): |
|
Charter:
+ Quid inquit propheta retribuam Domino pro omnibus que retribuit michi et velut rethorico more sue hesitationi respondens calicem inquit salutaris accipiam et nomen Domini invocabo Sancti apostoli rebus omnibus et carni et sanguini abrenuntiantes audierunt a Domino vos qui secuti estis me in regeneratione cum sederit filius hominis in sede maiestatis sue sedebitis et vos super sedes duodecim iudicantes duodecim tribus Israel Zacheus medietatem suorum bonorum erogavit pauperibus et dictus est filius Habrahe sua in domo veram salutem accipiens Felix vidua que ob unius quadrantis oblationem dominice vocis promeruit preconium Quod pietatis negligitur officium si exhibitio calicis aque frigidis non perdit mercedem suam maxima omnium rerum vita eterna Sed ea sola etiam bona voluntate adquiritur Quod ego Herbertus episcopus coniecturans et in domo Dei saltem vilibus granis fructuosus apparere concupiscens donavi Deo in ecclesia Dei sancte Trinitatis de Norwico ad victum monachorum ibidem servientium Deo manerium meum de Frainges et unam carucatam terre quam donaveram cuidam Odoni ita libere et integre sicuti eandem terram habebam in manu mea Et ut inperpetuum hec donatio confirmaretur apposui signum sancte crucis propria manu et sigillum meum donationis prefate presenti scripto +