Charter Document - 02400007
| Charter Number: | 02400007 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1094 - 1119 |
| Date type: | Assigned |
| Resource Link(s): |
|
Charter:
Herbertus Dei gratia Norwicensis episcopus universis sancte matris ecclesie fidelibus salutem in Domino Noverit universitas vestra nos divine pietatis intuitu concessisse priori et monachis de Eya ecclesiam sancti Petri de Eya parrochialem infra villam Eye et ecclesiam sancti Leonardi in Donewic ut eas in proprios usus in perpetuum habeant et libere et quiete et honorifice possideant ab omni vexatione laicalis clericalisve persone absolutas quietas et immunes Dei auctoritate et nostra inhibentes ne laicus vel clericus super hac concessione nostra predictis priori et monachis iniuriari vel molestiam vel gravamen inferre presumat Et per hanc cartam sigillo nostro signatam predictas ecclesias eis confirmavimus Et si quis ausu temerario huic confirmationi nostre contraire presumpserit vel aliquo modo attemptaverit sciat se auctoritate nostra anathemate esse innodatum et divino ultioni in extremo examini subiacendum