Charter Document - 02390131

Henricus dei gratia Eboraci archiepiscopus R decano et capitulo sancti Petri et omnibus parochianis suis salutem et dei benedictionem Ad episcopalem spectat sollicitudinem terras et possessiones ecclesiasticas et precipue religiosis domibus collatas pastorali cure defendere et auctoritatis sue pagina ad perpetuam stabilitatem roborare Hac itaque consideratione monasterio sancti Petri et sancte Hylde de Wyteby et monachis ibidem deo servientibus ecclesiam sancte Marie eiusdem ville cum capellis suis de Snetune et sancti Stephani de Fielinga cum pertinentiis suis et ecclesiam sancte Marie de Halenes cum pertinentiis suis et ecclesiam de Semara cum pertinentiis suis et ecclesiam de Hotona cum pertinentiis suis et ecclesiam de Crosseby Ravenswart cum pertinentiis suis et ecclesiam de Etuna cum capella Newetunie sub Ohtnebercg cum pertinentiis suis et ecclesiam de Kyrkeby cum pertinentiis suis salvo iure Eboracensis ecclesie et episcopalibus consuetudinibus in perpetuam elemosinam confirmamus excepto quod ecclesia sancte Marie de Wyteby quieta sit de sinodo Preterea vero predicte ecclesie sancti Petri et sancte Hylde de Whiteby et monachis ibudem deo servientibus concessimus et confirmamus in elemosinam perpetuam quod reges Anglie dederunt et confirmaverunt videlicet omnes libertates et dignitates ecclesie sancti Iohannis de Beverlaco et ecclesie de sancti Wilfridi de Rypon et ecclesie sancti Petri de Eboraco Concedimus etiam monasterio de Whiteby et monachis eiusdem loci ecclesiam omnium sanctorum de Fychergate in Eboraco cum pertinentiis suis que propria cella est monachorum de Whiteby liberam et quietam ab omni episcopali consuetudine quam Willelmus et Henricus reges Anglie antedicto monasterio sancti petri et sancte Hylde de Whiteby dederunt cum tali libertate qualem habent ecclesia sancti Iohannis de Beverlaco et ecclesia sancti Wylfridi de Rypon ut ibi aliqui monachi de Whiteby iugiter maneant et servitium dei ibidem pro regibus Anglie et heredibus eorum continue celebrent Similiter concedimus et confirmamus monasterio de Whiteby et monachis eiusdem loci ferrum iudicale cum pertinentiis suis et fossam cum omnibus que ad eam pertinent Concedimus etiam et confirmamus predicto monasterio de Whiteby ecclesiam sancte Hylde de Midilsburgh cum pertinentiis suis que est cella monachorum prenominatorum libere et quiete ab omni episcopali consuetudine Ecclesiam vero sancti Petri de Haknesse que similiter propria est cella monachorum de Whitby in perpetuam elemosinam confirmamus Hii sunt testes Savaricus abbas Ebor Aelredus abbas Rievall Bernardus prior de Bridlingtona Cuthbertus prior de Gysburn Galfridus prior de Kyrkeham Robertus archidiaconus