Charter Document - 02390125
| Charter Number: | 02390125 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1151 - 1153 |
| Date type: | Assigned |
| Resource Link(s): |
Borthwick Institute - Register 9a (f222v) |
Charter:
Henricus Murdac dei gratia archiepiscopus Eboracensis universis sancte matris ecclesie filiis ad quos presens scriptum pervenerit salutem in domino Notum sit universitati vestre Willelmum de Arches et Iuetam uxorem eius concessisse et dedisse et carta sua confirmasse deo et sancte Marie et Matilde filie sue et sanctimonialibus de Monketon ibidem deo servientibus totam terram in Munketon scilicet sex caructataas terre in eadem villa et dimidiam caructatam terre in Hamerton in puram et perpetuam elemosinam cum omnibus pertinentiis suis et ecclesiam de Torp et ecclesiam de Hamerton et ecclesiam de Escham et ecclesiam de Kirkeby iuxta Useburn quam Elias de Ho per consilium et peitionem domini Willelmi de Arches coram meipso concessit et dedit eisdem sanctimonialibus in puram et perpetuam elemosinam cum omnibus pertinentiis suis Hanc autem elemosinam caritatis intuitu et pro salute anime nostre eisdem monialibus auctoritate nostra confirmamus omnino in proprios usus profuturum Quare volumus et firmiter precipiums ut eas habeant et possideant libere et quiete plenarie et integre et honorifice salvis synodalibus et archiepiscopalibus Omnes ergo quicumque hanc elemosinam et nostram confirmationem disturbaverint maledictionem dei et nostri semper incurrant Hiis testibus Laurentio de Werkeworth Thoma Sotewayn magistro Roberto de Merli Willelmo de Goram magistro Everardo Ricardo Murdac Ricardo Cruer Petro de Falkenberge Herberto de Sutton Odardo Camin Willelmo de Rughford Thoma de Norhampton Ricardo filio Hugonis Gilleberto de Bellun Ricardo filio Wygonis Iordano Malebe Helia filio Radulfi Uctredo filio Gamelli Laurentio filio Hugonis Radulfo filio Horlewyni Roberto Pedefer et aliis multis