Charter Document - 02390121

Henricus dei gratia Eborac archiepiscopus universis sancte matris ecclesie filiis tam presentibus qaum futuris imperpetuum salutem et dei benedictionem Salubre desiderium quod ad religionis propositum et animarum salutem pertinere dinoscitur deo auxiliante stabilire volentesiustis postulationibus dilecti filii nostri Alexandri abbatis de Kirkestal et monachorum qui in eodem loco deo et sancte Marie deserviunt et nobis sepius ac devote supplicareunt ut de sua matrice ecclesia de Bernolfwik et de duabus capellis uis videlicet de Braycewell et Marton ordinationem et voluntatem nostram faceremus pro temporibus futuris modo inferius annotato benigne annuimus videlicet statuentes quod due predicte capelle scilicet de Braycewell et Marton sint decetero matrices ecclesie quelibet cum sua parochia ita plane quod persone que perpetuis temporibus ad ecclesiam de Braycewell per abbatem et monachos de Kirkestall legittime fuerint presentate habeant omnem decimationem et quodlibet ius parochiale de Braycewell et Stock tantum nichil iuris usurpando seu calumpniando infra metas seu divisas de Bernolfwyk imperpetuum similiter et persone que perpetuis temporibus ad ecclesiam de Marton per abbatem et monachos de Kirkestall legittime fuerunt presentate habeant omnem decimationem et quodlibet ius parochiale de utraque Marton tantum nichil iuris usurpando seu calumpniando infra metas seu divisas de bernolfwik imperpetuum salvi autem dictis abbati et monachis ac eorum successoribus imperpetuum omnibus aliis iuribus et omnimodis exactionibus aliis que et quas ad predictas ecclesias de Braycewell et Marton quondam capellas predicte matricis ecclesie de Bernolfwik qualitercumque habent seu imposterum se habere legitime monstrare poterunt si unde questionem movere voluerint Preterea ex officio cure pastoralis nobis iniuncto paci et tranquilitati dictorum abbatis et monachorum providere cupientes causa dei et intuitu caritatis dedimus concessimus et presenti carta confirmavimus memoratis abbati et monachis et eorum successoribus imperpetuum predictam matricem ecclesiam de Bernolfwik et totam parochiam et divisas de Bernolfwik cum omnibus tam spiritualibus quam temporalibus que ad legittimam personam matricis ecclesie qualitercumque pertinere dinoscuntur tenend et habend in proprios usus ad sustentationem monachorum in domo de Kyrkestall deo servientium in puram et perpetuam elemosinam solutam liberam et quietam ab omnibus consuetudinibus exactionibus oneribus ordinariis et extraordinariis et ab omnimoda calumpnia per qualescumque personas superiores seu inferiores qualitercumque proposita seu proponenda provisa seu providenda totaliter deliberatam Et licitum sit dictis abbati et monachis ac eorum successoribus imperpetuum ad prefatam ecclesiam de Bernolfwik monachum regularem seu sacerdotem secularem quando voluerint vicissim constituere et inde ammovere ad serviendum prefate ecclesie de Bernolfwik et ad conferendum et faciendum parochianis eiusdem presentis et futuris omnia iura et debita ecclesiastica que veri parochiani a sua matrice ecclesia tam in cura animarum quam in aliis rebus quibuscunque aliquo modo debent percipere sine aliqua calumpnia infra predictas metas de Bernolfwik vel de persona inibi constituta seu constituenda per aliquos personas superiores vel inferiores de aliquibus rebus ordinariis vel extraordinariis provisis seu providendis aliquo modo imperpetuum facienda set si aliquis parochianus secularis infra predictas metas de Bernolfwik notorie fuerit de incontinentia diffamatus capellanu parochialis de Braicewell qui pro tempore fuerit per maonchum seu sacerdotem secularem qui apud Bernolfwik fuerit super hoc ammonitus seu requisitus huismodi difgamationis inquisitionem et emendationem per censuram ecclesiasticam extra metas et divisas de Bernolfwik executionem demandebit Et si contra premissa vel aliquid premissorum per neglegentiam seu permissionem vel malem consuetudinem seu violentiam alicuius ecclesiastice vel secularis persone factam fuerit seu attemptatum huiusmodi neglegentia permissio consuetudo et violentia dictis abbati et monachis vel eorum successoribus in nullum cederit preiudicium Huius rei testes sunt magister Robertus Butevilein archidiaconus capitulum sancti Wilfridi de Ripon magister Everardus Rogerus elemosinarius Willelmus filius Gamelli Hugo Murdac Iordanus Stephanus Henricus Willelmus Nicolaus de Trail Bernardus filius Gamelli Uctred frater eius Albinus Bernardus ostiarius