Charter Document - 02390114

H dei gratia Ebor archiepiscopus dilectis filiis R abbati monasterii sancte Marie de Fontibus eiusque fratribus tam presentibus quam futuris regularem vitam professis in perpetuum salutem et dei benedictionem Pontificali auctoritati competit religiosas personas diligere et earum quieti deo auxiliante prospicere Ea propter dilecti in domino filii vestris iustis postulacionibus clementer annuentes prefatam dei genitricis ac semper viginis Marie ecclesiam in qua divino mancipati estis obsequio totumque habitacionis vestre locum cum universis terris silvis aquis pratis et pascuis de feudo sancti Petri et nostro quibuslibet iustis modis adquisitis vobis et successoribus vestris in puram et perpetuam elemosinam concedimus et presentis scripti pagina confirmando communimus In quibus hec propriis duximus exprimenda vocabulis ecclesiam de Fontibus cum sibi adiacentibus grangiam Sutton per plenarias et antiquas divisas cum terris adquisitis a Torfino filio Gospatric et a Godwino de Cludum Herleshowiam per suas divisas plenarias per quas Robertus de Sartis et uxor eius Raganildis filia Ligulfi melius unquam tenuerunt grangiam de Warthsala sicut prefatus Robertus et eius uxor Raganildis eam dederunt terram etiam que erat in calumpnia inter Herleshowiam et Bertrannum de Bulemer quam ipse quietam clamavit et viginti acras terre quas Ricardus Pied Larrun pro anima filii sui vobis dedit sed et alias viginti acras quas Normannus filius Uctredi dedit vobis terram nihilominus qua erat in calumpnia inter Caitonam et Merchintonam sicut vobis quieta clamata fuit Huius rei testes sunt Osbertus archidiaconus Hugo thesaurarius Robertus Butevillanus archidiaconus Thomas Sotavagina Geroldus filius Serlonis Willelmus de Wintonia Thomas de Reinvilla Nicholaus de Trelli capitulum sancti Iohannis de Beverlaco magister Robertus de Hospitali Ebor Rogerus elemosinarius Willelmus filius Gamelli de Rip Ricardus Murdach Herveius de Gousa Albertus de Rip et alii multi