Charter Document - 02390113
| Charter Number: | 02390113 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 - 1153 |
| Date type: | Assigned |
| Resource Link(s): |
|
Charter:
Henricus dei gratia Eboracensis archiepiscopus universis filiis sancte matris ecclesie ad quos littere iste pervenerint salutem in domino Quoniam sine vere cultu religionis nec caritatis unitas potest subsistere nec deo gratum exhiberi servitium ecclesiarum prelatis convenit religiosas personas diligere et earum necessitatibus et quieti paterna sollicitudine providere Eapropter donationem quam Robertus de Sartis et uxor illius Ragnilda filia Ligulfi fecerunt abbatie sancte Marie de Fontibus et monachis ibidem deo servientibus totam videlicet villam de Herleshowia id est tres caructatas terre per ipsas divisas per quas prefatus Robertus et uxor eius unquam melius tenuerunt nos ratam habentes concedimus et presentis scripti pagina confirmando communimus statuentes quatinus hanc donationem ab omni terreno servitio liberam et quietam in perpetuam elemosinam possideant Huius rei testes sunt magister Robertus Butevillanus Eboracensis ecclesie archidiaconus magister Laurentius Thomas Sotavagina Geroldus filius Serlonis Willelmus de Wintonia Thomas de Reinvilla Eboracensis ecclesie canonici magister Robertus de Hospitali Rogerus elemosinarius Robertus de Nunnewyc Symon Warth Robertus Puiher Aernaldus de Mildeby Herbertus de Merchintona Ricardus filius Archilli Uctredus filius Wallef Ricardus filius Autchil Suain de Torentona Bernardus filius Gamelli