Charter Document - 02390086
| Charter Number: | 02390086 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1143 - 1147 |
| Date type: | Assigned |
| Resource Link(s): |
|
Charter:
W dei gratia Eborac archiepiscopus clero et populo et omnibus fidelibus tam futuris quam presentibus hanc cartam bene et firmiter manutenentibus salutem et benedictionem in perpetuum Notum sit vobis omnibus me concessisse et dedisse et presentis carte testimonio confirmasse liberale burgagium ville Beverlaci et burgensibus ibidem commorantibus iuxta formam liberalis burgagii Eboraci ea libertatis lege qua Turt archiepiscopus venerande memorie predecessor noster eis concessit et dedit salvis consuetudinibus sancti Iohannis et salvo nostro iure cum redditibus Deinde [] de libertatibus lege concessi et dedi eisdem burgensibus ut habeant gilde merchande eorum et placita eadem libertate et eadem consuetudine inter [illos] sicut illi de Eboraco inter eos et volo ut statuta illius domus sint ad profectum tocius villatus et ad honorem dei et sancti Iohannis et canonicorum et tocius plebis eiusdem ville Preterea concessi eis theloneum in perpetuum pro [x et] viii marcis singulis annis excepto in tribus festis quod quidem theloneum tunc ad nos et canonicos spectat hoc est in festo sancti Iohannis confessoris in maio vid[elicet] ab hora tercia vigilia ipsius [festi] usque in vesperum ipsius festi et si dies fori contigerit in ipsa vigilia vel in sequenti die post festum in cimiterio erit [forum] Similiter fiet in festo translationis sancti Iohannis in magno autem festo [videlicet] in nativitate sancti Iohannis baptiste a die sancti Botulfi usque in tercium diem a festo iuxta consuetudinem sancti Iohannis fiat Et si dies fori in aliquo trium dierum ante festum [vel in] die post festum evenerit in cimiterio erit In his vero tribus festis hoc modo determinatis ipsos burgenses ab omni theloneo liberos etiam quietos dimisi Preterea huius etiam carte testimonio eisdem burgensibus confirmavi liberos introitus et exitus scilicet in bosco in plano in marisco et in ceteris conven[ienciis] sicut antiquiores ipsius ville iuraverunt et probaverunt de suis convenienciis excepto in pratis et bladis sicut unquam melius liberius et largius predictus Turt predecessor noster venerabilis eisdem burgensibus concessit et dedit His testibus Willelmo comite Alb Roberto de Stutevil Everardo de Ros Herberto filio Herberti Gileberto de Nevil Ricardo de Verli Willelmo dapifero Turstino preposito Hyvone abbate de Wartria Simone canonico Radulfo canonico magistro Alfrido sacrista Willelmo de Falais Stephano de Foro Alano filio Edrici Waltero de Lincoln Iohanne Nig Reginaldo thelon Henrico filio Hydde Reinero Athelem