Charter Document - 02390083
| Charter Number: | 02390083 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1141 - 1154 |
| Date type: | Assigned |
| Resource Link(s): |
|
Charter:
Willelmus dei gratia Eboracensis archiepiscopus Roberto decano et capitulo sancti Petri Eboracensis omnibusque successoribus suis canonice substituendis cunctisque fidelibus salutem et dei benedictionem De prebenda T prepositi Beverlacensis quam ex illis semper fuerit in quibuslibet facile perpendere potest quod nulli unquam possessorum suorum ad vacandum cultui ecclesie nostre victum licet tenuem amministrare suffecit unde quum negotis ecclesie nostre exigentibus prefatum T Ebor venire sepius sollicitamus ut de prebenda qua ipsum ad nos venire [et] propter quam pondus diei et estus eum subire cogimus ut ad eundum et redeundum de prefata prebenda saltem aliquod habeat solatium sibi suisque successoribus canonicis ad augmentum prebende de Happelesthorp inperpetuum concedimus viginti bovatas terre quas Willelmus frater Holdeberti tenet de nobis in Barkeston et Grymeston et decimam dominii et molendini nostri de Milford absolutas et quietas et liberas sicut prebende Eboracensis ecclesie partem eo tamen tenore quod prefatus Willelmus totam tenuram in vita sua liberam et inconcussam teneat sicut unquam melius attentius et liberius eam tenuit