Charter Document - 02390037
| Charter Number: | 02390037 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1119 - 1140 |
| Date type: | Assigned |
| Resource Link(s): |
|
Charter:
Thurstan dei gratia Eboracensis archiepiscopus universis sancte matris ecclesie filiis sibi successuris in perpetuum salutem et dei benedictionem Quoniam divine dispositionis vel iubente vel permittente consilio in ecclesiastici regiminis specula constituti pastoralis cure suscepimus officium procul dubio exigitur a nobis ecclesiarum nobis commissarum utilitatibus pro virium nostrarum quantitate indesinenter providendo consulere Ea propter fratrum in ecclesia que Bridlintone sita est sub institutione beati patris Augustini regulariter conversantium et religione provocati et necessitate compulsi omnes ecclesias possessionesque ecclesiasticas cum capellis suis quas in parochia mea donatione principum et concessione pontificum habent firmiter et integre concedimus presentisque cartule nostre pagina confirmamus ab eisdem fratribus bene et in pace libere et quiete inperpetuum possidendas eo videlicet iure eoque tenore quo sua omnia apostolice auctoritatis privilegio communita sunt et corroborata Iste sunt ecclesie cum capellis quas nostra communimus auctoritate ipsa mater ceterarum que in Bridlintona est illa de Fivelaio ex donatione Walteri de Gaunt illa de Flainburgh ex donatione Willelmi filii Nigelli illa de Scalleby cum capellis suis ex dono Eustachii filii Iohannis illa de Bovintona ex dono Gaufridi dispensatoris illa de Willardeby et alia de Galmetona ex dono Adelardi illa de Coutona ex dono Eustachii illa de Swaldal ex dono Walteri de Gaunt illa de Sprotleya ex dono Radulfi de Gousle illa de Attingwyk ex dono Ebrardi de Rossa capella de Spetona capella de Buctona capella de Grendale dimidietas capelle de Alburnia