Charter Document - 02390031
| Charter Number: | 02390031 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1121 - 1128 |
| Date type: | Assigned |
| Resource Link(s): |
|
Charter:
Thomas dei gratia Eboracensis archiepiscopus cunctis Cristi fidelibus tam presentibus quam futuris salutem et dei benedictionem et suam Notum sit vobis me dedisse et concessisse et consilio capituli Eboracensis et Beverlacensis et consilio meorum baronum mea carta confirmasse hominibus de Beverlaco omnes libertates eisdem legibus quibus illi de Eboraco habent in sua civitate Preterea non lateat vos quod dominus H rex noster nobis concessit potestatem faciendi h[oc de b]ona voluntate sua et sua carta confirmavit statuta nostra et leges nostras iuxta formam legum burgensium [de] Eboraco salva dignitate et [honore] dei et sancti Iohannis et nostri et canonicorum ut ita scilicet honorem elemosinarum predecessorum suorum exaltaret et promoveret Cum omnibus his liberis consuetudinibus volo ut burgenses mei de Beverlaco habeant suam hanshus quam eis do et concedo ut ibi sua statuta pertractent ad honorem dei et sancti Iohannis et canonicorum et ad tocius villatus emendacionem eadem libertatis lege sicut illi de Eboraco habent in sua anchus Concedo etiam eis teloneum in perpetuum pro iii marchis annuatim preterquam in tribus festis in quibus teloneum ad nos et [ad] canonicos spectat in festo scilicet sancti Iohannis confessoris in maio et in festo translationis sancti Iohannis et in nativitate sancti Iohannis Baptiste In his vero tribus festis omnes burgenses de Beverlaco ab omni teloneo liberos et quietos dimisi Huius eciam carte testimonio eisdem burgensibus liberos introitus et exitus concessi scilicet in villa et extra villam in plano et bosco et marisco in viis et semitis et ceteris convenienciis exceptis pratis et bladis sicut unquam melius liberius et largius aliquis possit concedere et confirmare Et sciatis quod sunt liberi et quieti ab omni teloneo per hoc [dis fecerit] anathema sit sicut ipsius ecclesie sancti Iohannis asserit consuetudo et sicut statutum est in ecclesia sancti Iohannis Hii sunt testes Gaufridus Murdoc Nigellus Fossard [Alanus] de Perci Walterus Spec Eustachius filius Iohannis Thomas prepositus Turstinus archidiaconus Herbertus canonicus Willelmus filius Tole Willelmus de Baius coram [tota] familia archiepiscopi clericis et laicis in Eboraco