Charter Document - 02390028
| Charter Number: | 02390028 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1109 - 1121 |
| Date type: | Assigned |
| Resource Link(s): |
|
Charter:
Thomas dei gratia Eboracensis archiepiscopus omnibus sancte matris ecclesie filiis presentibus et futuris salutem et pontificalem benedictionem Iustis postulationibus celerem debemus prebere assensum Inde est quod ad piam petitionem dilectorum filiorum nostrorum Walteri prioris et monachorum de Pontefracto quandam villam scilicet Doddewrdam que sita est inter Silkestonam et Barnesleyam quam ex consilio nostro pro amore dei et pro salute anime domini sui et nostri Henrici serenissimi regis Robertus de Lascy advocatus eorum eis in puram et perpetuam elemosinam contulit secundum divisas in carta sua certificatos et nos concedimus et auctoritate dei et beati Petri qua fungimur attestamur et confirmamus Adicientes ut siquis quod absit contra nostram confirmationem venire temerario ausu presumpserit nisi condigne resipuerit perpetue anathemati subiaceat Amen