Charter Document - 02390017
| Charter Number: | 02390017 |
|---|---|
| Cartulary Title: | York 1070-1154 Volume 5 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1109 - 1114 |
| Date type: | Assigned |
| Resource Link(s): |
|
Charter:
Thomas dei gratia Eboracensis archiepiscopus toti clero et populo Eboracensis ecclesie sancti Petri immo omnibus universalis ecclesie filiis salutem et benedictionem Notificamus vobis quandam conventionem factam in presentia nostra inter ecclesiam de Federstan et ecclesiam sancti Oswaldi monachi namquam de caritate et sacerdos de Federstan qui calumpniabantur eam adicere parochie de Federstana clamaverunt eam solutam et quietam ab omni consuetudine et servitio ita quod canonici regulariter deo ibidem serviant et habeant cimiterium ad opus suum et servientium suorum omniumque iuxta eos habitantium in terra que dicitur Nostlec et in hac conventione clamaverunt clerici sancti Oswaldi quietas omnes ecclesiasticas consuetudines quas habebant de Hardewic ecclesie de Federstan me Thoma archiepiscopo ii et Roberto de Laieco et Anfrido de Bernewino presbitero et Radulfo clerico presentibus et confirmantibus Et hoc factum est prima feria in dedicatione ecclesie sancti Oswaldi Teste []