Charter Document - 02381241
| Charter Number: | 02381241 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1197 - 1198 |
| Date type: | Assigned |
| Resource Link(s): |
Reference Document for this Embedded Document Bodleian Library - Christ Church MS 341 (f19v) |
Charter:
Uniuersis sancte matris ecclesie filiis ad quos presens scriptum peruenerit Hugo dei gratia Lincolniensis episcopus eternam in domino salutem Ad pastoris spectat sollicitudinem subditis et maxime religionis nomen professis pacem prouidere et que eorum recte deputata sunt utilitatis summopere fouere et perpetuo stabilire Hine est quod intuitu religionis et honeste conuersationis dilectorum in Christo filiorum nostrorum Roberti abbatis et conuentus de Egnesham habito etiam ad hoc quod predicta domus ex antiqua regum largitione et confirmatione tota est in manu et potestate nostra successorumque nostrorum predictis abbati et conuentui de Egnesham ibidem deo seruientibus et in perpetuum seruituris ecclesias suas rationabiliter adeptas et pensiones quas in eisdem ecclesiis annuatim percipiunt episcopali auctoritate confirmamus uidelicet ecclesiam de Staunthone et in ea annuam pensionem uiginti solidorum item ecclesiam de Meritone et in ea annuam pensionem triginti solidorum ecclesiam sancte Ebbe de Oxenefordia et in ea annuam pensionem unius marce argenti ecclesiam de Cherleburia et in ea pensionem quinque marcarum capellam de Chadelinton et in ea pensionem xiiii solidorum ecclesiam de Cornwelle et in ea pensionem unius libre cere ecclesiam de Rolend[richt] et in ea pensionem decem solidorum ecclesiam de Cumba et in ea pensionem x solidorum ecclesiam de Newentone et in ea pensionem iiii solidorum ecclesiam de Solethorn et in ea pensionem centum solidorum ecclesiam de Stokes et in ea pensionem unius libre piperis ecclesiam de Northone et in ea pensionem quatuor solidorum medietatem ecclesie de Heyford et in ea pensionem uiginti solidorum ecclesiam de Berthone et in ea pensionem dimidie marce argenti Hec inquam omnia ecclesiastica beneficia que iuste et canonice inpresentiarum habent predictis abbati et monachis de Egnesham concedimus et confirmamus et presentis sigilli nostri munimine et officii nostri auctoritate communimus saluis episcopalibus consuetudinibus et Lincolniensis ecclesie dignitate hiis testibus B priore de Wittheham magistro Ricardo Lincolniensis ecclesie subdecano et aliis