Charter Document - 02381013
| Charter Number: | 02381013 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1166 |
| Date type: | Assigned |
| Resource Link(s): |
|
Charter:
Cunctis sancte matris ecclesie filiis tam futuris quam presentibus Robertus Lincoln episcopus salutem et orationes in Christo Si qua misericordie opera agimus que extare magni prolixitate temporis velimus summe prudencie est perpetue mandare memorie scripto memorati corroborare et puplica confirmatione ne res possessionesve deo et sibi famulantibus a fidelibus date pravitate Christum et ecclesiam sanctam odientium disturbentur vel fraude aliqua minorentur seu annihilantur Inde est quod presentis scripti testimonio caritati vestre innotescere curavimus nos concessisse et confirmasse dilectis filiis nostris canonicis sancti Sepulcri Lincoln et ecclesie eorum quam fundavimus donationem domini Willelmi Folioth scilicet ecclesiam de Saxby cum duabus bovatis terre et cum omnibus aliis pertinenciis suis in puram et perpetuam elemosinam liberam et quietam ab omni servicio seculari et exactione sicut carta predicti Willelmi Folioth ejusdem ecclesie patroni testatur Hanc ergo donationem ut quieta eis et perpetua in eternum permaneat presentis scripti attestatione confirmamus episcopalis auctoritatis munimine roboramus nostroque sigillo et bonorum virorum testimonio communimus Roberti archidiaconi Radulfi abbatis de Parco Luthie Philippi abbatis de Revesby Radulfi medici Hervei de Rauceby canonici Willelmi de Chesney